Marknaðarleiðari til Gist&Vist (barnsburðarfarloyvisstarv)

Ert tú kreativ/ur og nýhugsandi? Og kundi tú hugsað tær at starvast sum marknaðarleiðari í einari spennandi fyritøku við tveimum hotellum og tjúgu matarstøðum við ymiskum konseptum og samleikum? So les víðari. 

Um starvið
Sum marknaðarleiðari hjá Gist&Vist hevur tú ábyrgdina av at marknaðarføra tey 27 ymisku vørumerkini í fyritøkuni. Tú kemur at starvast í fyrisitingini hjá Gist&Vist við skrivstovu á Hotel Føroyum. Í marknaðardeildini sita tú og ein grafiskur sniðgevi. Tú kemur at arbeiða í tøttum samstarvi við hini fólkini í fyrisitingini umframt leiðararnar á teimum ymisku deildunum hjá Gist&Vist. 

Arbeiðsuppgávur:

∙  At skriva tekstir til lýsingartilfar
∙  At fyrireika og greiða úr hondum lýsingarátøk
∙  At røkja heimasíður
∙  At røkja sosialar miðlar
∙  At rættlesa matskráir o.a. á føroyskum og enskum
∙  Aðrar fyrifallandi uppgávur

Tínir førleikar
Vit leita eftir einum fólki, sum hevur viðkomandi útbúgving innan fyri marknaðarføring ella samskifti og/ella hevur royndir frá líknandi starvi. Harafturat vænta vit, at:

∙  Tú ert strukturerað/ur
∙  Tú ert stinn/ur í føroyskum og enskum
∙  Tú dugir væl at skriva fangandi tekstir
∙  Tú hevur arbeitt við Meta Business Suite 
∙  Tú hevur royndir við at røkja heimasíður

Starvsbyrjan er 2. desember 2024 til uml. 1. desember 2025. 

Umsóknarfreistin er 6. oktober 2025.
 
Umsóknir kunnu sendast til johannes@hotelforoyar.com.