Skalt tú hava fund ella skipa fyri eini ráðstevnu, so kunnu vit syrgja fyri, at alt gongur sum eftir ánni. Vit eru fús at hjálpa. Í samráði við teg hjálpa vit við øllum – umframt at svara vanligum spurningum viðvíkjandi fundum og ráðstevnum, rigga vit hølini til, bíleggja innivist og taka atlit til serligan tørv í matgerðini, um tað er neyðugt og syrgja fyri, at alt er upp á pláss. Tráðleyst net er í øllum fundarhølum og almennum rúmum. Vit vísa fegin runt og greiða frá, hvussu vit kunnu hjálpa, næstu ferð tit skulu hava fund ella ráðstevnu.