Andlit

Kenn teg sum nýggja/n eftir eina andlitsviðgerð í Ress. Vit hava fleiri ymiskar andlitsviðgerðir at velja ímillum. Hugsveima niðureftir og finn viðgerðina, sum hóskar til júst tín tørv.

Ressast - heildarspauppliving

90 min / 1.495 DKK

Byrjað verður við einari avslappandi, men munagóðari mýking við olju og trýsti eftir tínum ynski. Síðani verður andlitið reinsað og smurt við hóskandi andlitsmasku, sum ger húðina klára og bleyta. Viðgerðin fevnir eisini um eina avslappandi mýking av bæði andliti og høvuðbotni.

Bílegg viðgerð

Dreymakend vælvera – Kropsmýking og eksfoliering

90 min / 1.350 DKK

Ein avslappandi kropsviðgerð við lavendilanga. Allur kroppurin verður væl eksfolieraður við Turkish Body Scrub, sum uppfrískar og ger húðina bleyta. Aftaná eitt brúsubað fær kroppurin eina róliga men munagóða mýking við vistfrøðiligari lavendilolju.

Bílegg viðgerð

Lívskapandi vælvera - Til barnakonur

90 min / 1.350 DKK

Kærkomið hjúkl til barnakonuna. Viðgerðin leggur serligan dent á tey økini á kroppinum, sum hava tørv á eyka røkt, tá tú ert við barn. Vit mýkja allan kroppin við vistfrøðiligum oljum, eins og tú fært eina stimbrandi andlitsviðgerð. Hendan viðgerðin kann eisini tillagast til komandi pápan.

Bílegg viðgerð

Sansa – Luksus andlitsviðgerð

90 min / 1.295 DKK

Lat friðin falla yvir teg við einum stimbrandi fótabaði, áðrenn hjúklað verður um húðina á andlitinum. Avslappandi og luksuskenda viðgerðin leggur serligan dent á at uppbyggja, nøra og geva húðini nógva vætu. Eisini fevnir viðgerðin um mýking og akupressur av andliti og hárbotni, umframt lætta fótamýking.

Bílegg viðgerð

Harrahjúkl - Sissandi andlitsviðgerð til menn

60 min / 895 DKK

Andlitið verður reinsað við húðrøkt, sum serliga er ætlað monnum. Eisini fært tú eina reinsandi masku, ið ger, at húðin sissast, og poknurnar kennast minni og reinari. Viðgerðin fevnir eisini um eina avslappandi mýking av andliti og høvuðbotni.

Bílegg viðgerð

Birta - Anti-age viðgerð við Gua Sha

60 min / 1.095 DKK

Andlitið verður reinsað, mýkt og smurt við anti-age masku. Mýking við Gua Sha-steinum birtir nýtt lív í húðina og ger, at hon kennist fastari og javnari. Viðgerðin leggur serligan dent á tey økini á húðini, sum treingja til eyka røkt, sum til dømis fínar linjur og aldurstekin, sum vísa seg ov tíðliga.

Bílegg viðgerð

Snarressan - Skjót andlitsviðgerð

30 min / 650 DKK

Andlitsviðgerð við hóskandi masku, sum ger húðina klára og bleyta. Viðgerðin fevnir eisini um eina avslappandi mýking av andliti og høvuðbotni.

Bílegg viðgerð

Javnvág – andlitsviðgerð, sum er tillagað tín tørv

60 min / 950 DKK

Munagóð andlitsviðgerð, sum verður tillagað tørvin á tíni húð. Dentur verður lagdur á húðreinsan og eksfoliering. Harafturat fært tú eina stimbrandi andlitsmýking og eina hóskandi masku, sum uppfrískar húðina og skapar javnvág.

Bílegg viðgerð

Vit gleða okkum at síggja teg

Tú fært handað handklæði og baðikápu, tá ið tú vitjar í Ress. Tú ert vælkomin at nýta lekkru hár- og húðrøktina, ið stendur frammi í skiftingarhølunum. Fert tú í infrareyðu sauna ella rasul, kanst tú hava egin svimjiklæðir við ella lána frá okkum.

Um ein viðgerð verður flutt ella avboð verður givið til viðgerðina minni enn 24 tímar áðrenn ásettu tíðina, skal gjaldast fyri viðgerðina.

Aldursmark er 16 ár.

Upplatingartíðir í Ress
Sunnudag - hósdag 8.00 - 21.00
Fríggjadag - leygardag: 08.00 - 22.00

Andlit

Ressast - heildarspauppliving

Dreymakend vælvera – Kropsmýking og eksfoliering

Lívskapandi vælvera - Til barnakonur

Sansa – Luksus andlitsviðgerð

Harrahjúkl - Sissandi andlitsviðgerð til menn

Birta - Anti-age viðgerð við Gua Sha

Snarressan - Skjót andlitsviðgerð

Javnvág – andlitsviðgerð, sum er tillagað tín tørv

Vit gleða okkum at síggja teg

Hvat ynskir tú at bíleggja?