Valmynd

Bílegg

Steðga á og njót eina friðarløtu. Fyrsti partur av Ress Spa hevur latið dyrnar upp, og her er vælvera í hásæti. Her kanst tú njóta sissandi og stimbrandi andlitsviðgerðir, djúpar og munagóðar kropsmýkingar og serstøku viðgerðirnar rasul og infrareyða sauna. Hugsveima niðureftir fyri at bíleggja eina viðgerð.

;

Ress Fitness

Ress er vælvera í nógvum ymiskum týdningum. Allir gestir á Hotel Føroyum hava atgongd til okkara lekra venjingarhøli, Ress Fitness. Har er alt, sum tær tørvar til eina góða venjing til allan kroppin.

Allar viðgerðir

Sálarró - Avslappandi heildarmýking

60 min / 950 DKK

Sinnið verður sissað við hesi róligu mýking við vistfrøðiligari olju. Allur kroppurin fær eina góða og avslappandi mýking. Nakki, akslar og føtur verða smurd við svalandi kremi, ið loysir spenningar í vøddum. Hendan viðgerðin kann eisini bíleggjast til barnakonur.

Bílegg viðgerð

Orka - Sportsmýking

60 min / 950 DKK

Ein djúp og munagóð heildarmýking til allar kroppar. Kroppurin verður stimbraður við fastari mýking. Nakki, akslar og føtur verða smurd við svalandi kremi, ið loysir spenningar í vøddum.

Bílegg viðgerð

Reinsa – Útreinsandi kropsviðgerð

75 min / 1.250 DKK

Kroppurin verður turrbustaður og síðani ballaður í spirulinamasku, sum setur gongd í blóðrenslið og stimbrar kollagenið í húðini. Ímeðan tú liggur og nýtir ágóðan av spirulinamaskuni, fær høvuðbotnurin eina avslappandi mýking. Eftir eitt heitt brúsubað verður kroppurin smurdur við mineralríkum kremi.

Bílegg viðgerð

Hugró - Snarmýking við varandi ágóðum

30 min / 650 DKK

Viðgerðin byrjar við mýking av høvuðbotni, ið fær kroppin at slappa av. Síðani verða nakki, akslar og ryggur mýkt við lavendilolju fyri at loysa spenningar og skapa eina kenslu av vælveru.

Bílegg viðgerð

Rótfesti - mýking til troyttar føtur og leggir

30 min / 650 DKK

Føtur og leggir verða mýkt við vistfrøðiligari olju. Vit nýta eisini heitar steinar, sum linna um pínu og skapa vælveru. Viðgerðin endar við at føturnar verða smurdar við svalandi kremi.

Bílegg viðgerð

Ressast - heildarspauppliving

90 min / 1.495 DKK

Byrjað verður við einari avslappandi, men munagóðari mýking við olju og trýsti eftir tínum ynski. Síðani verður andlitið reinsað og smurt við hóskandi andlitsmasku, sum ger húðina klára og bleyta. Viðgerðin fevnir eisini um eina avslappandi mýking av bæði andliti og høvuðbotni.

Bílegg viðgerð

Dreymakend vælvera – Kropsmýking og eksfoliering

90 min / 1.350 DKK

Ein avslappandi kropsviðgerð við lavendilanga. Allur kroppurin verður væl eksfolieraður við Turkish Body Scrub, sum uppfrískar og ger húðina bleyta. Aftaná eitt brúsubað fær kroppurin eina róliga men munagóða mýking við vistfrøðiligari lavendilolju.

Bílegg viðgerð

Kvirra - Mýking við heitum steinum

75 min / 1.195 DKK

Mýking við heitum steinum bæði á andlit og kropp. Mýkt verður við djúpum, spakuligum rørslum. Heitu steinarnir á kroppinum geva eina kenslu av ró og vælveru.

Bílegg viðgerð

Lívskapandi vælvera - Til barnakonur

90 min / 1.350 DKK

Kærkomið hjúkl til barnakonuna. Viðgerðin leggur serligan dent á tey økini á kroppinum, sum hava tørv á eyka røkt, tá tú ert við barn. Vit mýkja allan kroppin við vistfrøðiligum oljum, eins og tú fært eina stimbrandi andlitsviðgerð. Hendan viðgerðin kann eisini tillagast til komandi pápan.

Bílegg viðgerð

Sansa – Luksus andlitsviðgerð

90 min / 1.295 DKK

Lat friðin falla yvir teg við einum stimbrandi fótabaði, áðrenn hjúklað verður um húðina á andlitinum. Avslappandi og luksuskenda viðgerðin leggur serligan dent á at uppbyggja, nøra og geva húðini nógva vætu. Eisini fevnir viðgerðin um mýking og akupressur av andliti og hárbotni, umframt lætta fótamýking.

Bílegg viðgerð

Harrahjúkl - Sissandi andlitsviðgerð til menn

60 min / 895 DKK

Andlitið verður reinsað við húðrøkt, sum serliga er ætlað monnum. Eisini fært tú eina reinsandi masku, ið ger, at húðin sissast, og poknurnar kennast minni og reinari. Viðgerðin fevnir eisini um eina avslappandi mýking av andliti og høvuðbotni.

Bílegg viðgerð

Birta - Anti-age viðgerð við Gua Sha

60 min / 1.095 DKK

Andlitið verður reinsað, mýkt og smurt við anti-age masku. Mýking við Gua Sha-steinum birtir nýtt lív í húðina og ger, at hon kennist fastari og javnari. Viðgerðin leggur serligan dent á tey økini á húðini, sum treingja til eyka røkt, sum til dømis fínar linjur og aldurstekin, sum vísa seg ov tíðliga.

Bílegg viðgerð

Snarressan - Skjót andlitsviðgerð

30 min / 650 DKK

Andlitsviðgerð við hóskandi masku, sum ger húðina klára og bleyta. Viðgerðin fevnir eisini um eina avslappandi mýking av andliti og høvuðbotni.

Bílegg viðgerð

Javnvág – andlitsviðgerð, sum er tillagað tín tørv

60 min / 950 DKK

Munagóð andlitsviðgerð, sum verður tillagað tørvin á tíni húð. Dentur verður lagdur á húðreinsan og eksfoliering. Harafturat fært tú eina stimbrandi andlitsmýking og eina hóskandi masku, sum uppfrískar húðina og skapar javnvág.

Bílegg viðgerð

Rasul – Dampbað við leirsmyrsli

30 min / 450,- fyri 1, 800,- fyri 2, 1050,- fyri 3 og 1200,- fyri 4

Rasul er eitt serstakt vælveruupplivilsi, har tú fært 2 sløg av leiri at smyrja á andlit, kropp og bein, ímeðan tú nýtur hitan í dampbaðnum. Dampurin ger, at poknurnar opna seg, ímeðan leiðrið bæði reinsar og stimbrar húðina. Eftir viðgerðina kennist húðin mjúkari og smidligari.

Bílegg viðgerð

Glæma - Infrareyð sauna

30 min / 150 DKK fyri hvønn

Í infrareyðari sauna verður kroppurin beinleiðis hitaður við infrareyðum ljósi. Soleiðis fært tú ágóðan av hitanum frá infrareyða ljósinum, uttan at luftin gerst ov heit. Hitin linnar spenningar í kroppinum, setur gongd í blóðrenslið og gevur tær eina kenslu av hvíld og vælveru.

Bílegg viðgerð

Neglalakk á føturnar og fótabað

30 min / 350 DKK

Fínka føturnar við neglalakki eftir egnum ynski. Føturnar verða harumframt bleytgjørdar við einum lekkrum, heitum fótabaði.

Bílegg viðgerð

Neglalakk á hendurnar

20 min / 250 DKK

Neglabondini verða snøggaði, og neglin verður fílað, pussað og fínkað við neglalakki eftir egnum ynski. Harumframt verður húðin smurd við bleytgerandi olju.

Bílegg viðgerð

Shellac á hendurnar

75 min / 400 DKK

Fínka neglurnar við shellac eftir egnum ynski. Neglurnar verða fílaðar, neglabondini snøggaði, og húðin verður smurd við bleytgeradi olju.

Harumframt kunnu vit taka shellac burtur áðrenn viðgerðina - Eyka kostnaður 150 kr / 15 min

Bílegg viðgerð

Vælkomin í Ress

Tú fært handað handklæði og baðikápu, tá ið tú vitjar í Ress. Tú ert vælkomin at nýta lekkru og angandi hár- og húðrøktina, ið stendur frammi í skiftingarhølunum eins og aðrar hentleikar so sum brúsu og hárturkara. Fert tú í infrareyðu sauna ella rasul, vilja vit minna teg á at hava egin svimjiklæðir við.

Ynskir tú at bíleggja vælveruviðgerð til meira enn ein persón, ert tú vælkomin at senda okkum ein teldupost til ress@ress.fo.

Upplatingartíðir í Ress
Týsdag - leygardag 9.00 - 18.00

Um avboð til eina viðgerð verður givið minni enn 24 tímar áðrenn ásettu tíðina, skal gjaldast fyri viðgerðina.

Aldursmark er 16 ár.

Nýtt spahús í 2024

Gleð teg til bæði innan- og uttandura hylar, dampbað, sauna, ísbað og uttandura gosbað. Váti parturin av ress spa letur upp í 2024.

Ein loysn frá Sendistovuni

Hvat ynskir tú at bíleggja?

Eg ynski at bíleggja

/

2