Felags Jólaborð

Aftur í ár vera stóru felags jólaborðhaldini á Hotel Føroyum. Okkara kokkar hava samansett eina leskiliga og jólaliga matskrá til høvið, og saman við hugnaligum undirhaldi er lagt upp til fýra framúr góð kvøld.

Nær?
28. november kl. 19.00
4., 5. og 12. desember kl. 19.00

Kostnaður fyri jólaborð: 1.395,- fyri hvønn.
Kostnaður fyri jólaborð við trimum drykkjuseðlum: 1.595,- fyri hvønn.

Hetta er íroknað:
✦ Vælkomudrykkur og brellbitar
✦ Matskrá við 4 rættum og drykkjuskrá
✦ Kaffi/te & avec
✦ Undirhald undir borðhaldinum
✦ Dansur eftir borðhaldið

Jóhanna Andreasen er borðstjóri og Bárður Johannesen spælir undir til øll borðhaldini.

Undir borðhaldinum verða tónleikainnsløg við:
✦ Kristinu Thede Johansen & Ernst Remmel
✦ Finni Koba
✦ Jazzy Gold
✦ Sakaris

Chill spæla til dans eftir borðhaldið og DJ COOL spælir í steðgunum.

MATSKRÁ

Brellbitar:
✦ Sesamvafla, turkað dunnubringa, karamelliseraður leykur, seyðarostur
✦ Sesamvafla, kremostur, dadlur, hunangur

Forrættur:
✦ Saltfiskur, soppar, persilluolja, súltaður reyðleykur, salat

Millumrættur:
✦ Kofta við røstum kjøti, epla- og purrumos, persilluolja

Høvuðsrættur
✦ Langtíðarstoktur lambsbógvur, rómaeplir, soðsós
✦ Jólasalat, granatsúrepli, kinaradisa, appilsinedikslaki

Omaná:
✦ Karamellbudingur, appilsinsiroppur, brendar mandlur, lakaðar blommur

GISTING
Í samband við jólaborðhaldini bjóða vit gisting fyri serprís, um tú bíleggur í seinasta lagi 30. september. Frá 1. oktober hækkar prísurin.

Kostnaður, um tú bíleggur áðrenn 1. oktober:
Gisting í dupultkamari við morgunmati: 995 kr fyri tvey fólk (vanl. prísur úr 1.195 kr)
Gisting í einakamari við morgunmati: 795 kr fyri eitt fólk (vanl. prísur úr 995 kr)

Bílegginartreytir:
✦ Avroknað verður við bílegging
✦ Bíleggingar kunnu ikki flytast til annað tíðarskeið
✦ Vit veita fult endurgjald, um boðað verður frá avlýsing í seinasta lagi 14 dagar áðrenn borðhaldið
✦ Eftir hetta er bíleggingin bindandi, men navnabroyting kann gerast uttan eyka kostnað
✦ Avlýsing ella navnabroyting skal sendast til hf@hotelforoyar.fo